حاجة محترمة أوي هو في كدة❓❗#عمر_كمال_الشناوي وعلاقة عجيبة مع ابن زوجته #هند_حداد وطليقها #محمد_الكيلاني

في حوار مع عمر الشناوي حفيد الفنان كمال الشناوي
لما اتسأل - حسن وحمزة ولادك ؟
قال = حسن ابني اه ، حمزة ابني برضو بس ابن مراتي من محمد كيلاني
فاتسأل- حسن 4 سنين؟
قال= اه ، وحمزة 10 سنين
- هل الاتنين عايشين معاك ؟
قال= حمزة عايش معانا في أيام الأسبوع الخمسة بتوع الدراسة ، والويك إند مع باباه
فأتسأل- واخدين أيه منك؟ حمزة قعد معاك فترات طويلة أكيد واخد منك حاجة
فقال= احنا عايشين مع بعض بقالنا 6 سنين دلوقتي ، هو ذكي جدًا ومخه أكبر من سنه بكتير ، بيتكلم كتير في حاجات يطلعني فيها غلطان يعني مثلًا نتناقش أو يسألني سؤال علمي وأبقى فاكر إني فاهم أنا بقول أيه ألاقيه يروح قايلي الحاجة الحقيقية كذا كذا ، ولما نعمل سيرش على جوجل نلاقي إن هو اللي صح فعلا

فاتسأل- حمزة ابن صديقك محمد الكيلاني مظبوط ؟
= هو يعتبر مبقاش صديقي دلوقتي لأن ولادنا اخوات دلوقتي فـ أنا بعتبره أخويا

و أكد الفنان عمر كمال الشناوي، أن علاقته بابن زوجته هند من الفنان محمد الكيلاني علاقة طيبة ،وأنه يعامله مثل ابنه ، لكن في الوقت نفسه محمد كيلاني هو المتكفل بدفع مصاريف نجله بالكامل.

حاجة محترمة أوي هو في كدة❓❗#عمر_كمال_الشناوي وعلاقة عجيبة مع ابن زوجته #هند_حداد وطليقها #محمد_الكيلاني 

محمد الكيلاني يمازح عمر الشناوي

ومازح محمد كيلان عمر الشناوي بعد حديثه، وقال في منشور علي حسابه علي فيس بوك: عارف أنت لو تكمل جميلك وتدفع مصاريف مدرسة حمزة السنة دي هكون شاكر جدًا.

وأكد عمر الشناوي أنه فوجئ جدا بردود الأفعال على مواقع التواصل الاجتماعي بعد حديثه عن علاقته الجيدة بابن زوجته، وقال: زعلت إن حاجة طبيعية وبديهية الناس تستغربها، وحاجة مؤسفة وفي ناس بعتوا لي كومنتات من نوعية شوفوا الرجالة بتعمل ايه بدال ما تمرمطوا البنات في المحاكم واستغريت من الحال اللي بقينا فيه، وأنا مش بدعي الفضيلة وفي ناس أحسن مني بكتير، والناس شايفة أنها حاجة كبيرة وهي حاجة عادية.

إحنا مسؤولين لما يكون فيه أطفال لما يكبروا يكونوا عاقلين وأسوياء ونربي ناس تطور وتبني مش تهدم، وده اللي استغربته لما قرأت الكومنتات، فليه واحد متجوز واحدة يقول لها مش هربي عيال غيري، يعني لو واحدة مطلقة ترمي ابنها في الشارع ولا تربيه تربية سوية وعنده حنية كاملة من أمه مش مجزأة.

‎محمد الكيلاني

تلقى محمد كيلاني تعليقات كثيرة حول طبيعة العلاقة بينه وبين طليقته هند حداد وزوجة الفنان عمر الشناوي حاليًا، وكيف استطاعا الحفاظ على هذه العلاقة في إطار ودي من الصداقة والاحترام المتبادل.

أجاب كيلاني عن هذه الاستفسارات مشيرًا إلى أنه يعتبرها أخت له ويتعامل في هذا الإطار، لتلاقي إجاباته إعجاب الجمهور الذي عبر عن احترامه له في التعليقات.