أزواج سهير رمزي ال 10 ... رقم 4 و 8 فعلا مفاجأة 

سهير رمزي 

مش فاكره هم كام ، وطبعا لازم يكونوا بالحلال... دي كانت إجابه الفنانه سهير رمزي، لما اتسالت عن ازواجها... مين هم؟  وكم عددهم؟ 

وطبعا الاجابه دي صدمت الكل، لانها فنانه كبيره، ومن كتر ازواجها ما تعرفش هي ارتبطت بكم واحد في حياتها .

أزواج سهير رمزي ال 10 ... رقم 4 و 8 فعلا مفاجأة 

هنعرف مع بعض عدد زيجات سهير رمزي الرسميه، ومين هم ؟ وايه هي جنسيتهم؟

سهير محمد  عبد السلام نوح،  اتولدت سنه 1949 في بورسعيد، وهي بنت الفنانه دريه احمد ، اللي خبت عن بنتها اسم والدها محمد عبد السلام نوح لمده 13 سنه، لانها انفصلت عنه وهي حامل في بنتها، واتجوزت بعده المخرج سيد زياده اللي كان بمثابه الاب لسهير رمزي في طفولتها.

سهير رمزي اتمتعت بقدر كبير من الجمال، وده اللي خلى العيون كلها عليها..

الفنان ابراهيم خان

اول زيجاتها الرسميه كانت من الفنان السوداني ابراهيم خان ، وهي عندها 16 سنه، وانفصلوا بعد سنه واحده من الزواج بسبب عدم التفاهم ما بينهم .

الامير السعودي خالد بن سعود بن عبد العزيز

وبعد ثلاث سنين اتجوزت سهير رمزي من الامير السعودي خالد بن سعود بن عبد العزيز... اللي انبهر بيها وطلبها للزواج بالرغم من انه كان لسه منفصل عن الفنانه شمس البارودي ، وكان مهرها كبير جدا.. ذهب واحجار كريمه لا تقدر بثمن ، وكان عمرها في الوقت ده 20 سنه .. وبرضو انفصلوا بعد سنه بسبب ارتباطه بالفنانه صباح.

محمد الملا

وبعد ثلاث سنين وهي عندها 23 سنه ارتبطت سهير رمزي برجل الاعمال الكويتي محمد الملا اللي كان لسه منفصل عن الراقصه نجوى فؤاد،  وبعد خمس شهور انفصلت عنه بسبب غيرته شديده عليها.

الملحن حلمي بكر

رابع زيجه لسهير رمزي كانت من الملحن حلمي بكر، اللي كان معجب بيها جدا وكان سبق وخطبها وهي عندها 16 سنه، لكن لم يتم الزواج .

وعاشوا مع بعض اربع سنين في سعاده كبيره، لحد ما طلب منها انها تسيب التمثيل وتستقر في البيت، وهي طبعا رفضت وفضلت الفن عن الزواج، فانفصلوا عن بعض.

محمود قابيل

خامس زيجا لسهير رمزي كانت من الفنان محمود قابيل ، وكانت هي نجمه كبيره في الوقت ده،  وهو لسه فنان صاعد.. ونشأت بينهم قصه حب، قالت عنها: "انها عايشه اجمل قصه حب في العالم". وكانت الزيجه الخامسه لسهير رمزي لكنهم برده انفصلوا بعد سبع شهور بس، لان محمود قابيل شاف ان نجوميتها اكبر منه بكثير.

زكريا بكار

اما بقى سادس زيجه فكانت من رجل الاعمال السوري زكريا بكار، اللي قابلها في مهرجان فني بره مصر، وعرض عليها الزواج لانها خطفت قلبه من اول نظره .. واستمرت الزيجه دي برده لمده خمس شهور بس .

سيد متولي

الزيجه رقم سبعه من رجل الاعمال سيد متولي، اللي كان ماسك رئاسه نادي المصري البورسعيدي ، وعاشت معايا فتره في فرنسا في شقته الفخمه في الشانزليزيه،  وحصل خلاف بينهم وانفصلوا ، ورجعوا لبعض تاني،  لكن برده انفصل ثاني وثالث وحصل الطلاق النهائي .

الفنان فاروق الفيشاوي

الزيجه رقم 8 من صديقها الفنان فاروق الفيشاوي، اللي طلبت منه ان العصمه تكون في ايدها، لانها كانت عارفه انه بيحب سميه الالفي، ورغم انه انفصل عنها لكن اكيد هيرجع ليها تاني. وعاشت مع فاروق الفيشاوي خمس سنين، وانفصلوا خلالها ثلاث مرات بسبب غيرته، ولانه اشترط انه يكون البطل معاها في كل افلامها. 

     

علي منصور العودي

واتجوزت للمره التاسعه من رجل اعمال يمني اسمه علي منصور العودي، والجوازه دي فضلت شهرين بس، لانها رفضت تسافر معاه للخليج .

زوج سهير رمزي علاء الشربيني 

لتدخل بعدها في عاشر جوازه اللي استمرت الى الان منذ 20 سنه من رجل الاعمال علاء الشربيني، اللي تزوجها السنه 2003 ودي اطول زيجة في حياتها، ومستمره منذ 20 سنه.

نتمنى التوفيق للفنانه سهير رمزي في كل حياتها.