رد محمد رمضان على طبيب القلب جمال شعبان لما طلب منه شراء أجهزة لمرضى العناية المركزة
محمد رمضان
انتقادات كثيره واجهها محمد رمضان بعد ما نشر صوره لي في طيارته الخاصه وبجواره الدولارات .
 |
| رد محمد رمضان على طبيب القلب جمال شعبان لما طلب منه شراء أجهزة لمرضى العناية المركزة |
لكن كان في تعليق قيم جدا غير حاجات كثيره هو تعليق الدكتور جمال شعبان عميد معهد القلب السابق ، اللي تمنى ان محمد رمضان يشتري منظمات كهربيه لمرضى العنايه المركزه ، وكتب: " يا ريت بالدولارات دي اللي واضح انك مش محتاج ليها تشتري منظمات كهربيه للغلابه الكثير اللي في العنايه المركزه وعندهم احتمال السكته والتوقف القلبي المفاجئ ومحتاجين جهاز لانقاذ حياتهم يمكن ده يشفي عليك يوم الزحام" .
رد محمد رمضان جه بسرعه بتعليق على صفحه الدكتور جمال شعبان، و طلب منه ارسال اسماء المستشفيات اللي محتاجه للاجهزه دي ، وكتب:" شكرا يا دكتور يا ريت تبعث لي اسماء المستشفيات اللي محتاجه الاجهزه وتليفون حضرتك على الخاص".
الموقف ده كله جذب تعليقات رواده السوشيال ميديا اللي اشادوا بتصرف طبيب القلب وبرد الفنان محمد رمضان.
احد التعليقات قال :" مش لازم كل انتقادات شتيمه وغلط ، في ناس تانيه تعرف تحول الانتقاد لفلوس تساعد وتخفف عن الناس كثيره محتاجه ، برافو برافو جمال والله "
وتعليق كمان قال :"مشهد متحضر جدا بين طبيب محبوب يعالج قلوب الناس وممثل تحبه قلوب الناس عندما يكون النقد له فائده وليس بغايه التدمير وتكسير السمعه"
وتعليق كمان قال:" ننتظر باذن الله اعلان الدكتور جمال شعبان ان تم التواصل بالفعل"
وزي ما احنا شايفين في الصوره ان بالفعل تم التواصل بين الدكتور جمال شعبان وبين الفنان محمد رمضان لعله يعود بالخير على مرضى العنايه المركزه اللي بيحتاجوا بالفعل الى هذه الاجهزه احتياجا شديدا.
أهلاً بك ، نشكرك لمرورك الكريم🌹