اعرف سر محمد رمضان اللي سبب نجوميته وغير حياته 180°

محمد رمضان

محمد رمضان نجم سطع في فتره وجيزه بشكل خلى كثير من الناس يسالوا ازاي حصل كده وايه اللي وراه في الفيديو القصير ده هتعرف أن الدافع هو مكالمة تليفون غيرت حياة محمد رمضان 180°.

من أكتر من ١٥ سنة كان محمد رمضان في لقاء تليفزيوني وكان لسة ممثل صاعد ، والمفاجأة اتصال هاتفي من النجم الكبير العالمي عمر الشريف.

اعرف سر محمد رمضان اللي سبب نجوميته وغير حياته 180°

عمر الشريف

المذيعة طلبت منه رأيه في محمد رمضان،  فقال عمر الشريف أن محمد رمضان موهبة غريبة خالص، موهبة عالية جدا جدا،  وفي المستقبل هيكون احسن مني بكتير،  وهيكون احسن ممثل في مصر.

المذيعة قالت له أن  محمد رمضان عينه رغرغت وبيعيط من كلامك يا استاذ عمر.

رد عليها عمر الشريف وقال لها انا بقول الحقيقية، يعني انا إيه مصلحتي في اني أمجده،  أنا أعرفه من فترة صغيرة، واتعشيت معاه مرتين تلاتة ، بس دا ملوش دخل بكلامي عن موهبته ، لأني أنا انبسطت جدا بالتمثيل معاه وقصاده.

ردت عليه المذيعة وقالت له دا درس والله لمحمد يكون متواضع ذي حضرتك.

رد عليها وقال لها: لا يا حبيبتي ، انا بقول الحقيقة، اللي أوقات بتبان تواضع. بس هي حقيقة مش تواضع.

بصي انا مثلت معاه مشهدين تلاتة، اتجننت ، لأني قابلت واحد ، صحيح هو مش نجم دلوقتي،  بس في المستقبل هيكون احسن وأهم ممثل في مصر ان شاءالله،  وابقوا افتكروا كلامي.

ردت عليه المذيعة وقالت له،  محمد مش قادر يمسك نفسه من العيا يا استاذ عمر، الصراحة عنده حق بعد كلام حضرتك دا....عيط يا محمد.

ودي كانت المكالمة والمدافع اللي غير حياة محمد رمضان 180° ، وادته دافعة للأمام،  لحد ما بقي من نجوم الصف الأول،  اللي بيستناهم الجمهور في كل أعمالهم،  خصوصًا في موسم الدراما الرمضاني.

والسنة دي لرمضان 2023 ، لمع محمد رمضان علي مستوي مصر والعالم العربي كله، في مسلسل جعفر العمدة،  اللي الناس تفاعلوا معاه ، كأنه حقيقة ، وبقوا بيدوروا معاه على ابنه طول المسل، وفرقوا الشربات لما طلع من السجن،  وعلقوا لفت تبارك له لما طلع من السجن ولما لقي ابنه سيف .

والواضح كدة ان نبوة عمر الشريف كانت صحيحة ، وفعلا كان عنده حق .