حسن شاكوش يطرد زوجته من المنزل بعد 55 يوم من زواجهم وأول رد شاكوش || اعرف القصة الكاملة

حسن شاكوش وزوجته

اتهمت زوجه حسن شاكوش - مطرب المهرجانات - ريم طارق زوجها ، بطردها من المنزل، نتيجه خلافات بينهم . واستيلاءه على اموالها .

حسن شاكوش يطرد زوجته من المنزل بعد 55 يوم من زواجهم وأول رد شاكوش || اعرف القصة الكاملة 

الكل استنكر اللي حصل، خصوصا ان زفاف حسن شاكوش وريم الطارق تصدر الترند وكان حديث كل مواقع التواصل الاجتماعي والسوشيال ميديا. خصوصًا بعد ما سجدت ريم في حفل الزفاف، وشكرت ربنا على زواجها من حسن شاكوش وتعويضها بزوج زيه.

ريم طارق عملت محضر امام مأمور قسم أول أكتوبر ،وقالت فيه: انها اتفاجئت بان زوجها حسن شاكوش بيطردها خارج البيت اللي داخل مجمع سكني مشهور.

وانه استولى على المنقولات الزوجيه، وعلى ايصال امانه بقيمه مؤخر الصداق من فتره. لكنها رفضت انها تحرر محضر وقتها لعل الشمل يتلم من جديد، لكن دون جدوى.. فقررت المره دي اللجوء للشرطه .

تحرر المحضر اللازم واحاله اللواء سامح الحميلي حكمدار الجيزه الى النيابه العامه للتحقيق.

خرج حسن شاكوش عن صمته بعد الخلافات بينه وبين زوجته اللي تصاعدت على منصات التواصل الاجتماعي ووصلت لقسم شرطه اكتوبر .وقال على صفحته الرسميه على فيسبوك:  "مساء الفل عليكم جميعا ، يمكن القصه دايما ناقصه، والبيوت فيها اسرار، واحنا بنخاف على بنات الناس، وتربينا على كده. وحق الرد بيقول ان دي لسه مراتي، ما يصحش اتكلم عنها حتى لو حصل ايه.

يمكن اهل بيتي، وفريق عملي، واقرب الناس لي، اتأذوا من الحوار ده .

وكمل وقال:" بما انها شاركت جمهوري بشيء جارح بالشكل ده، كل اللي اقدر اقوله الحمد لله على نعمه السكوت والعقل وقت المشكله الحمد لله على كل شيء ".

وكشف مصدر مقرب من شاكوش سبب الخلاف اللي حصل. وقال: ان حسن شاكوش وزوجته دخلوا في شجار من الشهر الاول للجواز. بسبب سهر حسن شاكوش بره البيت لفترات طويله. وده طبعا ازعج ريم طارق وسبب خلاف بينهم. والاسره حاولت احتواء الامر وانهاء الخلاف بين الطرفين.

واكد ان شاكوش لم يقم بطرد زوجته من المنزل زي ما انتشر على السوشيال ميديا. وانه اتفاجئ باللي حصل منها وتحرير محضر في قسم الشرطه، بعد ما تركت المنزل غاضبه. وهو كان فاكر انها راحت بيت اهلها وكان مستني الاجواء تهدا وبعدين يتواصل معاها ويرجعها للبيت مره ثانيه .

وطبعا كلنا فاكرين احداث الزفاف اللي تخللها سجود ريم طارق على الارض، بفستان الفرح واللي تصدرت بسببه الترند فتره كويسه.

كمان الخناقه اللي حصلت على الهواء في برنامج العرافه. وكانت بسمه وهبه مقدمه البرنامج هددت انها هتغادر الاستوديو وتسيب برنامج العرافه بسبب شيخ العرافين، لما قال: ان حسن شاكوش متزوج بسيده اخرى غير ريم طارق. وان الزوجه الثانيه هي اللي اشترت الكلب اللي اهداه حسن لريم.

وكمان سأل شيخ العرافين حسن عن السلسله اللي لابسها على طول." مين اللي اشترت ليك السلسله اللي بتلبسها بشكل مستمر يا حسن ؟"  "ومين اللي ساكنه في التجمع في فيلا؟".

وبعد 55 يوم بس من الزواج يرجع حسن شاكوش وزوجته يتصدروا الترند مره ثانيه بسبب موضوع طرد ريم من منزلها والاستيلاء على منقولات الزوجيه وعلي ايصال امانه بقيمة مؤخر الصداق.