سامح حسين عبر تويتر | " هل فقدان الشغف يأس ولا نضج؟ "

سامح حسين

كتب سامح حسين علي حسابه علي تويتر وقال :  سؤال يطاردني ياريت تشاركوني إجابته ... مالوش علاقة بي خالص هل فقدان الشغف يأس ولا نضج ؟

سامح حسين عبر تويتر | " هل فقدان الشغف يأس ولا نضج؟ "

وكانت الإجابات كتيرة أوي ما بين اللي قال إن فقدان الشغف يأس واللي قال إنه نضج واللي قال حاجة تالتة خالص.

تعالوا نشوف مع بعض رأي الناس كان ايه ؟

في رأي قال:  "كل حالة ليها سبب مختلف
مفيش تعميم...  صعب جدا". 

وفي قال:  " نضج طبعا "

وفي واحد كمل وقال: " نضج ، يقين وثقة بالله عز وجل بأن لن يصيبنا إلا ماكتب الله لنا ، كلها أقدار وبتتنفذ فى وقتها لا أكثر ولا أقل ".

ومن الناس اللي شافوا أنه نضج واحد قال: " فقدان الشغف هو حالة من السلام النفسي ، ومعرفة متقدمة لطبائع الأمور
، ورضا بالمقسوم . لما بحس بيها في أوقات بارتاح لفترة ولكن للأسف سرعان ما أرجع تاني للمعاناة والمسماة بالأمل  أو الشغف ".
يعني هو شايف إن الشغف هو الغلط لأنه يسبب المعاناة .

وواحد أكد انه نضج وقال : " فقدان الشغف هو أدراك لحقيقة الدنيا إنها لا تساوي شيء ".

وعلي النقيض كان في فريق شايف العكس ، أن فقدان الشغف نتيجة اليأس .

وفي كتب : "فقدان الشغف يأس وخذلان"

وفي كتب : "فقدان الشغف يأس، لأن الأصل إن الإنسان دائماً يكون عنده شغف ، وغالبا في حاجات بيعجز عنها فيتملكه اليأس ، فتنعدم عنده الرغبة في التمني" .

وواحد كتب: " غالبا بيكون يأس من حلم ، حاولت توصله وإنهار فى آخر وقت مثلا، بعد تعب ومجهود ، أو إن الإنسان يكتشف فى لحظة إن سعيه كان فى إتجاه غلط لفترة طويلة ..لكن النضج ميخليش الإنسان يفقد شغفه أد ما يخليه يغير هدفه أو يكتشف الشغف الحقيقى اللى ممكن يحفزه ".

وفي كان عندهم رأي تالت ، شايفين ان فقدان الشغف: " هو مكس محترم بينهم ، أساسي يأس وبعدها نضج"

وفي كتب : "هو نضح .ولكن بعد يأس .
هو نضج ولكن بعد خزلان .
هو نضج بعد مرارة وتعب واجتهاد وشقي.
نضج بعد ما عرفت إنها مش بشطارتك ولا إنك احسن واحد ف الدنيا  واذكي واحد ف الدنيا .نضج لما عرفت إنها بايد ربنا سبحانه وتعالي .
ارجعوا إلي الله واستعيذوا به من اليأس والكسل والجبن والفقر .
إن الله لا يضيع أجر من أحسن عملا " .

ومن اللي شافوا ان فقدان الشغف سببه الاتنين ، واحد كتب : " لما توصل لمرحلة النضج ، هتفقد شغفك تجاه الحاجات اللي يأست من أنها تتصلح ".

وواحد قال : " الإثنين ، مع تقدم العمر وتراكم الخبرات الفاشلة والناجحة بينضج الانسان ، ومع كل ده بنفقد الشغف لأننا جربنا معظم الأشياء ومرينا بمعظم المواقف ".

وفي ناس كان ليهم رأي مختلف تماما ، يعني مش مع إن فقدان الشغف يأس ولا مع إنه نضج .

واحد قال: " لا دا ولا دا .. زهد .."

وواحد قال : " استراحة محارب لخطوة جديدة ناجحه إن شاء الله "

وواحد قال : " لما الواحد يتأمل حياته..
يتعجب من دقّة تدبير الله للأحداث..
الله في توقيته حكمة.. وفي تعجيله رحمة..
وفي تأخيره صد أذى..
وبعد مرور فترة من الزمن ستُدرك أن الأقدار لن تكون أفضل مما قدّر الله لها أن تكون..

وواحد شاف ان فقدان الشغف : "تربية وميزة من عند الله ، وهي فضيلة الاستغناء . ودي أكبر نعمة من عند الله وخصوصًا عندما تتواجد مع عدد كبير من الناس وتجدهم يتسابقون على أي شيء وأنت لاتبالي ولايفرق معك ".

وفي شاف ان فقدان الشغف للأسف :  " اكتئاب " .

واللي شاف إنه:  " فرهدة " .

وفي واحدة كتبت: " والنبي ما عارفة ، أنا فاقدة الشغف حتي أكتب كومنت ".

وتعليق أخير بيقول : " الانسان الناجح وبيعطي أجمل ما عنده للشغل، للبيت، للاقارب، ويستقبل من الناس اللي موجودين في حياته بفرحة وبشكر وكلمة برفو ، وبأي كلمة كويسة، بيكون عنده شغف إنه يعطي أكتر ، أما لو كان الرد العكس يسبب له اليأس فينطفي من جواه ، ويموت الشغف .

و انت كمان قولنا في التعليقات فقدان الشغف يأس ولا نضج؟