للسنة ال 13 برنامج رامز جلال رامز نيفر إند Ramez never end

برنامج رامز جلال

برنامج رامز جلال أصبح برنامج أساسي ، في شهر رمضان الكريم ،  يجذب ملايين المتابعين كل سنة ، رغم الجدال الكبير كل عام حوال البرنامج .

للسنة ال 13 برنامج  جلال رامز نيفر إند Ramez never end

رامز نزل الإعلان الخاص بالرنامج الجديد #رامز_نيفر_إند ، الكل يتسائل عن تفاصيل المقلب ؟ وإيه اللي هيحصل في البرنامج ؟ ومين ضيوفه السنة دي ؟

تعالوا معانا نعرف تفاصيل المقلب :

أول حاجة لما الضيف ينزل ، هيقترحوا عليه أنه يركب التور ، أيوة زي ما أنت سمعت كده ، ( زي برنامج رامز تحت الأرض لما كان الضيف بيركب على جمل ) .

بعد كده الضيف هيركب --> المطعم الطائر ، طبعا رامز هيكون جنب الضيف ومتنكر ، وعمال يعمل فيه المقالب ، ويرخم عليه . والموقف هيتصاعد ، والمقلب هيكبر ، وتظهر ردود أفعال الضيف .

وأكيد المطعم الطائر هيتعطل زي ما بيحصل في كل مقلب ، وزي ما حصل في مقلب ( برنامج رامز عقله طار ) ، المطعم الطائر هيفضل يروح شمال ويمين وبعدين يتعطل ، وفي الآخر هيضطروا يرموا الضيف المسكين من فوق ، فهيقع وينزل في البسين pool .

طبعا كل الكلام ده ظاهر في البوستر بتاع الإعلان ، موجود التور ، والمطعم الطائر اللي بيتقلب وبتقع منه الأطباق والفناجين والمعالق ، والضيف اللي بيتساقط في الهواء ، وأكيد موجود زي ما إحنا شايفين رامز طبعا وهو طبعا ماسك فانوس رمضان .

ومن الجدير بالذكر ان برنامج رامز ، بيتعرض من 13 سنة ، رغم الجدل الكبير حوالين البرنامج كل سنة ، ما بين معارض ومؤيد. بالرغم من ان المعارضين أكثر بكثير ، وكلهم بيجمعوا على ان البرنامج رخم ، وبيعرض الضيف لموقف صعب خصوصًا كبار السن ، وأي شخص عنده مرض ممكن فعلا تحصل له ساكته قلبية من المقلب ويموت . وفي بيقولوا ان رامز بيكون متفق معاهم كل سنة ، وقايل لهم عن تفاصيل المقلب بأمارة اللبس اللي بيكون لابسينه دايما ، واللي بيلائم ظروف المقلب.

برنامج رامز جلال بيتعرض على ام بي سي mbc 1 ،  و ام بي سي مصر mbc ، و ام بي سي 5 mbc ، وشاهد نت.