نجل شعبان عبد الرحيم قرر يغير اسمه من عدوية شعبان لحسام قاسم 

قرر عدوية شعبان نجل الفنان الراحل شعبان عبد الرحيم إنه يغير اسمه من عدوية شعبان لحسام قاسم .

نجل شعبان عبد الرحيم قرر يغير اسمه من عدوية شعبان لحسام قاسم 

والسبب التشويه اللي بيطول اسم والده ومسيرته الفنية ، وكتب عدوية على حسابه الرسمي بفيسبوك بوست بيقول فيه : إنه قرر يغير اسمه ، وإن اسمه الحقيقي حسام قاسم.

وقال ما عنديش إستعداد أنزل من نفسي ولا من قيمتي وقيمة أبويا ، وأضاف بعض المواقف السيئة لأخوه ، وقال : الناس دائما تقول ابن شعبان عبد الرحيم عمل ، وابن شعبان عبد الرحيم سوا . وقال : اسم أبويا استحالة يتبهدل بالطريقة دي ، أنا يا جدعان اسمي حسام قاسم . شعبان عبد الرحيم قيمة كبيرة جدا ، الله يرحمك يا أسطورة . 

نجل شعبان عبد الرحيم قرر يغير اسمه من عدوية شعبان لحسام قاسم 

وقال عدوية للقاهره 24 : إنه مش مصدق إن والده مات من ثلاث سنين ، وإنه مش معاه ، وإن والده عمره ما هيتعوض ، ولو عنده الفرصة إنه يكلمه أو إنه يشوفه هيقولوا إلحقني من اللي جاي ، لان وجوده كان أمان .

وقال كمان : شعبان عبد الرحيم ، الوحيد اللي بيمثل مصر بأغنيه الوطنية ، والاوسكار مش كفاية عليه ، والمفروض كان يحصل على دكتوراة فخرية،  لأنه أحسن من الفنانين الأجانب ، وكفاية رجولته وجدعنته وحنيته .