إنشاء قناة يوتيوب ناجحة والربح منها

في هذا المقال سوف نتحدث عن إنشاء قناة يوتيوب ناجحة والربح منها

هل اليوتيوب ده مربح؟ هل يمكنني كسب المال من خلال إنشاء قناة يوتيوب ؟

وهو أول سؤال بييجي على ذهن أي حد فينا لما نفكر في قناة اليوتيوب.

إنشاء قناة يوتيوب ناجحة والربح منها

هل موضوع اليوتيوب ده مربح؟

الإحصائيات بتقول إن اليوتيوب يجذب حوالي اثنين مليون مستخدم شهريا. تخيل إنك تدخل تبيع منتج في سوق فيه إثنين مليون مستخدم شهريا. إذا فهو ماركت ناجح جدا.

الربح من اليوتيوب يندرج تحت مسمى passive income ، يعني الدخل السلبي .بمعنى ان حضرتك بتعمل الفيديو وبعد ذلك الفيديو سيدخل ناس تشاهده، وكل ما يدخل حد يشوفه سيدخل لحضرتك دخل، حتى لو بعد عشر سنين مثلا.

إذن الفيديو بقى مصدر للدخل بدون مجهود جديد يبذل ، لذلك اسمه passive income.

تعالوا بقى نبدأ من البداية | الربح من اليوتيوب 

١ - تخصص القناة

أنا عايز أعمل قناة على اليوتيوب. علشان أنشئ قناه لازم يكون عندي نيتش اتخصص فيه ، مش أي حاجة تأتي ببالي أعمل عليها فيديو وخلاص ، لازم يكون عندي محتوى.

علشان كدة أول حاجة يجب أن تعملها. إنك تجيب دفتر وتبدأ تراجع نفسك كويس ، وترى أكثر حاجة إنت بتحبها وبارع فيها وتكون قادر فعلا إنك تنشئ محتوى فيها وكمان تكون مستمتع بالعمل إللي بتعمله.

فكرة القنية دي أهم نقطة على الإطلاق. لو مسكت في  إيدك الفكرة الأنجح بالنسبة لك فإنت تختصر مجهود كبير وتختصر وقت كبير.

عايزك تشوف قناتين على اليوتيوب واحدة مشهورة ووحدة مش مشهورة. غالبا الفرق بينهم أن صاحب القناة المشهورة بيحب شغله وبارع فيه. لكن الثاني بيعمل محتوى وخلاص. مع العلم أن قلة المشتركين قد يرجع لعوامل كثيرة منها طبعا، والأهم عدم جودة القناة نفسها، وإنها قناة وخلاص وعدم  فهم حاجة اسمها (( سيو اليوتيوب - Seo )) ، وهذا هنتكلم عليه بالتفصيل بعد كدا، باختصار هو الإعدادات اللي بتعملها فتجعل الفيديو ينجح واليوتيوب يقترحه أكتر على المشاهدين.

نرجع ثاني لموضوعنا أول ما تفكر تعمل قناة يوتيوب لازم يكون عندك محتوى قررت إنك تقدمه وتكون بارع فيه وتقدر تعمل عليه على الأقل كدا حالا عشر فيديوهات.

٢- جمهور القناة

ثاني حاجة لازم أبحث عنها. المحتوى إللي أنا اخترته أو النيش إللي هعمل عليه محتوى هل له جمهور ولا ملوش جمهور يهتم بيه؟

طيب إزاي أعرف الموضوع ده ؟

في ثلاث طرق ممكن نعرف بيهم :

١-  أول طريقة إنك تستخدم أداة جوجل لقياس معدل البحث عن الكلمات المفتاحية اسمها Keyboard planner 

مثلا إنت هتعمل محتوى طبخ. أكتب كل الكلمات التي تعتقد انك هتعمل عليها فيديوهات ، وشوف مدى اهتمام الجمهور بالكلمات دي وبحثه عنه.

٢- تاني حاجة تعمل لفة كدة في اليوتيوب وتبحث عن القنوات اللي عاملة نفس محتواك وتدرس نقاط القوة ونقاط الضعف في كل قناة وتشوف أسئلة الناس في التعليقات .

٣- ثالث حاجة تدخل السوشيال ميديا مثلا الفيس بوك وترى الصفحات التي تتكلم عن نفس محتواك تأخذ منها بعض الأفكار وتعرف حجم الصفحات دي، وترى المتابعين اللي فيها وأسئلتهم وخلافه.

أنواع المحتوي

عموما المحتوى أنواع كتير أوي ففي البداية لازم إنك تقرر هل إنت بارع في التمثيل أو في الشرح أم في التعليق الصوتي؟ هل بتحب مثلا التصوير فممكن تصور الشوارع؟ المدن المناطق السياحية المناطق الطبيعية؟

ممكن كمان إنك ما تظهرش خالص. تكون خلف الكاميرا تقوم بشرح أي موضوع وتعرضه مثل مثلا ملخص كتاب أو القصص. وفي الحالة دي ستستخدم برامج التسجيل من الشاشة مثلا وستقوم فقط بالتعليق الصوتي.

وبكده نكون النهاردة. تكلمنا عن البداية بس، امسك ورقة وقلم واكتب ( ا- نوع المحتوى إللي هتقدمه ).

في المقال الجاي بإذن الله سنتكلم عن إزاي أختار إسم القناة. وماهي الأدوات والبرامج إللي المفروض أعرفها قبل ما أبدأ شغل اليوتيوب.

ربنا معاكم وأتمنى للجميع النجاح والتوفيق. لو عندك اي سؤال أكتبه في التعليقات وان شاء الله نرد عليه بأسرع وقت ممكن .

شكرا للجميع ربنا معكم وأتمنى للجميع النجاح والتوفيق.