مهم جدا | لإنشاء قناة يوتيوب ناجحة والربح منها 
أساسيات لازم تعرفها قبل ما تفتح قناة يوتيوب 

أهلا وسهلا بحضرتكوا في المقال  تكلمنا عن انشاء قناة يوتيوب . وما هي الأساسيات التي يجب عليك معرفتها قبل أن تفتح قناة يوتيوب ، حتي تستطيع الحصول علي مشاهدات ومشتركين وتحقيق الربح من هذه القناة.

 مهم جدا | لإنشاء قناة يوتيوب ناجحة والربح منها  أساسيات لازم تعرفها قبل ما تفتح قناة يوتيوب 

1- أول النقطة تكلمنا عنها كانت اختيار المحتوى والنيتش اللي هعمل عنه القناة وتكلمنا ايضا عن الطريقة التي اعرض بيها المحتوى دة هل ستكون تمثيل أو شرح وتعليق والإلقاء أو تصوير خارجي مثلا؟ 

2- انشاء محتوي ذو جودة عالية 

1- جودة الصورة 

اليوم سنكمل كلامنا الذي بدأنا في المقال السابق . 

قبل ما أبدأ أعمل أول الفيديو لازم حاجة أهتم بجودة الفيديو. ما ينفعش الصورة لا تكون واضحة. لذلك ستستخدم كاميرا جودتها كويسة. الكل يبدأ بكاميرا الموبايل عادي وبعد ذلك عندما يبدأ يدخل الربح. ممكن تشتري كاميرا بجودة أعلى. المهم إن الصورة تكون كويسة جدا. 

2- جودة الصوت 

أيضا لازم أهتم بالصوت ،ما ينفعش نهائيا يكون صوتي مش واضح أو مش مفهوم لأن المشاهد على طول هيقفل الفيديو وغالبا عمره ما يرى قناتك مرة تانية. يبقى أهتم بالصورة وبالصوت.

3 - المونتاج

لازم كمان أفهم كويس أوي في المونتاج والتعديل والإخراج. خصوصا في البداية لأني المفروض إني لا أكلف الفيديو. ما ينفعش أعمل فيديو واحمله على طول علي اليوتيوب . لازم اهتم بكل تفصيلة ،لو في كلام مهم لازم أكتبه،   اهتم إني أكتبه علي الفيديو  أهتم أقص أي جزء ملوش لزمة ، أي حركة مش مضبوطة. أكتب عليه اسم القناة مثلا أكتب تفاصيل الفيديو لو المفروض إني أكتبها. المهم أني أعمل فيديو ممتاز ، منتج نهائي يستحق إنه يتشاف. 

بالنسبة لي أنصح الكل أن يتعلم برنامج كين ماستر KineMaster،  لأنه من أسهل البرامج التي ممكن تبدأ بها وتكون على مستوى بروفيشنال. 

طيب لو أنا متسرع ومش عايز أتعلم ، ولا اتعب نفسي في موضع المونتاج ، وهذا خطأ كبير لأنه أكيد سيكلفك. في الحالة دي أعمل إيه؟ 

١-  أول حاجة ممكن تستعين بشريك يساعدك ، ويقاسمك في القناة .. 

٢- ثاني حاجة تستعين بناس شغلتهم يعملوا الكلام دا. يعملوا المونتاج والإخراج .  أكرر،  أنا لا أفضل إنك تستعين بالآخرين وإنك تتعلم إنت بنفسك علشان الذي يبدأ شغل لازم يكون أداه. 

٣- ممكن أيضا تستعين ببرامج إنجاز المهام زي مثلا خمسات ممكن نتكلم عنها بعد ذلك بالتفصيل أكثر. 

إلي الآن تعلمنا أهمية اختيار نيتش للمحتوى اللي هتعرضه على اليوتيوب. واصبحت فاهم كويس أوي هتعمل الفيديوهات ازاي.  أصور ازاي، وأعمل مونتاج ازاي.

٣- اسم القناة 

إذن انت الآن جاهز والمفروض انك تختار بقى اسم القناة. اسم القناة هو إسم مشروعك إللي انت ها تعرف به ، فلازم تتأنى جدا وإنت بتختاره ، كأنك بالظبط تختار اسم لابنك .

لأنك لو عرفت باسم ما كنتش حاببه أوي وجيت بعد كدا تغيره،  القناة تكاد تكون ستبدأ من الصفر تاني .لذلك فكر كويس جدا وأنت تختار اسم لـ قناتك. 

من الأحسن إن اسم القناة يكتب بالعربي وبالإنجليزية علشان كما قلنا سيو اليوتيوب. ممكن كمان حضرتك تبحث على جوجل عن اسماء قنوات يوتيوب ، ستجد فعلا موضوعات كتير أوي تتكلم عن الموضوع ده وممكن تساعد إلى حد ما في اختيار اسم مناسب لـ قناتك. 

٤- ما يجب علي فعله لكي أحصل علي مشاهدات بعد تحميل الفيديو علي اليوتيوب 

آخر حاجة هنتكلم عنها النهاردة ، هي ما بعد إنتاج الفيديوهات. أنا عملت قناة ليها محتوى معين وليها اسم معين وبدأت باسم الله أول فيديو عملته وحملته على القناة. 

ماذا بعد ذلك؟ هل انتهى دورك خلاص؟ لا طبعا. دورك لم ينتهي . لازم تكون عارف إزاي تعمل تسويق للفيديو بتاعك خصوصا في البداية. 

- مبدئيا الفيديوهات إلي في البداية لازم تستغل فيها الترند .تشوف الموضوع الذي يتكلموا عنه دلوقتي وتعمل الفيديو بتاعك عنه، بكدا طبعا أكيد في ناس هتبص على قناتك بالمرة ما دمت تتكلم عن نفس الموضوع الترند . 

- ثاني حاجة تعرض فيديوهاتك على السوشيال ميديا ، تنزلها على الفيس مثلا،  تبعثها لأهلك وأصحابك على الواتساب والماسنجر. تعمل صفحة للقناة بتاعتك على الفيس ، تعمل مدونة للقناة بتاعتك على جوجل. ممكن بعد ذلك نتكلم بالتفصيل على كيفية انشاء مدونة ، تعمل أيضا لو أمكن حملات إعلانية للفيديو بتاعك سواء عن طريق جوجل ، بحيث ترفع رانك الفيديو بتاعك . الحملات دي بتكون أسعارها بسيطة جدا تبدأ مثلا بخمسين جنيه وممكن تخلي الفيديو بتاعك مثلا ألف مشاهدة خلال أول ساعتين بعد نزوله. 

أتمنى في النهاية إن مقال النهاردة يكون مفيد وبالتوفيق والنجاح للجميع.