حكاية متياس الرسول
من
كورال سانت كلوز
+++
قائد الكورال : د.مارلين مجدي وليم
كلمات وألحان د.مجدي وليم
كتبت في 2019
+++
 |
| حكاية متياس الرسول من كورال سانت كلوز |
كلمات ترنيمة حكاية متياس الرسول
+++
دايما يا عدرا واقفة معانا
وشفاعتك علي طول حاميانا
لو في ضيقة منهنش عليكي
مفرحة قلوبنا و سندانا
و إحكي يا تاريخنا و قول
عن عظمة عدرا و بتول
حكايه من تاريخ كنيستنا
حكاية متياس الرسول
1- خرج الرسول متياس
يبشر في برطس بحماس
صنع عجايب باسم يسوع
غضب الوالي من متياس
أمر الوالي بالقبض عليه
حبسه و حط حديد في ايديه
صلي متياس و نده العدرا
قوام العدرا حست بيه
2- كان الحديد مالي المكان
أبواب سلاسل و قضبان
ظلام رهيب و صمت و كان
برة أكتر من سجان
جت له العدرا بقوة و نور
ملت السجن بخور و سرور
حصلت حاجة غريبه تخلي
أعقل عقل يلف يدور
3- الحديد الصلب أصبح
مية فيها السجن يسبح
و اتحرر متياس الرسول
من قيودة و بقي مذهول
هي دي العدرا علي طول
شفيعة أمينه و الشرح يطول
عن شفاعتها و معجزتها
القلب يهتف و يقول
السلام لكي يا عدرا
يا أم النصرة
كتير نادوكي بسرعة لقوكي
بحر كبير مليان حنان
و إحكي يا تاريخنا و قول
عن عظمة عدرا و بتول
حكايه من تاريخ كنيستنا
حكاية متياس الرسول
+++
ترنم بواسطة كورال سانتا كلوز
قائد الكورال : د.مارلين مجدي وليم
أهلاً بك ، نشكرك لمرورك الكريم🌹